गडचिरोली: लोकशाहीचा उत्सव असलेल्या निवडणुकीच्या दिवशी प्रभाग क्रमांक ११ मधील राष्ट्रवादी काँग्रेसचे नगरसेवक पदाचे उमेदवार लिलाधर भरडकर यांनी आपला मतदानाचा हक्क बजावून नागरिकांसमोर एक आदर्श ठेवला. सकाळी शांत आणि उत्साही वातावरणात त्यांनी मतदान केंद्रावर उपस्थित राहून मतदान केले.
यावेळी त्यांच्या सोबत रोशन कवाडकर, संदीप पेदापल्लीवार तसेच राष्ट्रवादी काँग्रेसचे कार्यकर्ते व समर्थक मोठ्या संख्येने उपस्थित होते. सर्वांनी मिळून लोकशाही प्रक्रियेत सहभाग नोंदवत मतदारांना मतदान करण्याचे आवाहन केले.
मतदानानंतर बोलताना लिलाधर भरडकर म्हणाले की, “लोकशाही मजबूत करण्यासाठी प्रत्येक नागरिकाने मतदान करणे अत्यंत आवश्यक आहे. मतदान हा केवळ हक्क नसून जबाबदारीदेखील आहे.”
या प्रसंगी परिसरात उत्साहाचे वातावरण पाहायला मिळाले. नागरिकांमध्येही मतदानाबाबत सकारात्मक प्रतिसाद दिसून आला. लोकशाहीच्या बळकटीसाठी सर्व स्तरातील नागरिकांनी पुढे येत मतदान करावे, असे आवाहन यावेळी करण्यात आले.
0 Comments